ХАБАРИ МАТБУОТӢ оиди сафари кории Прокурори генералии Ҷумҳурии Тоҷикистон ба Давлати Қатар (17 - 18 феврали соли 2024)
17 феврали соли 2024 сафари кории Прокурори генералии Ҷумҳурии Тоҷикистон Раҳмон Юсуф Аҳмадзод ба Давлати Қатар баргузор гардид.
ХАБАРИ МАТБУОТӢ
16 феврали соли 2024 дар Прокуратураи генералӣ бо иштироки Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ- намояндаи комилҳуқуқи Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олӣ, муҳтарам Ализода Зариф барои воситаҳои ахбори омма нишасти матбуотӣ баргузор гардид. Прокурори генералии Ҷумҳурии Тоҷикистон, генерал-полковники адлия Раҳмон Юсуф Аҳмадзод оид ба натиҷаи фаъолияти мақомоти прокуратура дар соли 2023 баромад намуд.
ХАБАРИ МАТБУОТӢ
Санаи 02 феврали соли 2024 сафари кории Прокурори генералии Шоҳигарии Арабистони Саудӣ, ҷаноби Сауд Абдуллоҳ Алмуаҷиб ба Ҷумҳурии Тоҷикистон баргузор гардид.
Зимни сафари корӣ мулоқоти расмии Прокурори генералии Ҷумҳурии Тоҷикистон, Раҳмон Юсуф Аҳмадзод бо Прокурори генералии Шоҳигарии Арабистони Саудӣ, ҷаноби Сауд Абдуллоҳ Алмуаҷиб доир гардида, дар рафти он масъалаҳои муқовимат ба терроризми байналмилалӣ ва ифротгароӣ, хариду фурӯши одамон, муомилоти ғайриқонунии маводи нашъадор ва дигар зуҳуроти ҷинояткории трансмиллӣ муҳокима гардиданд.
Сафари корӣ ба Ҷумҳурии Тоҷикистон идома дорад.
Хабарҳо
ХАБАРИ МАТБУОТӢ аз натиҷаи ҷаласаи 5-уми Прокуророни генералии давлатҳои узви Созмони ҳамкориҳои иқтисодӣ (СҲИ)
16 майи соли 2024 дар шаҳри Душанбе ҷаласаи 5-уми Прокуророни генералии давлатҳои узви Созмони ҳамкории иқтисодӣ (СҲИ) баргузор гардид.
Дар ҷаласа Прокурори генералии Ҷумҳурии Озарбойҷон Алиев Камран Байрам оғли, Прокурори генералии Ҷумҳурии Исломии Эрон Муҳаммад Муваҳидии Озод, Прокурори генералии Ҷумҳурии Қазоқистон Асилов Берик Ногаевич, муовини якуми Прокурори генералии Ҷумҳурии Қирғизистон Султонов Улукбек Ташболотович, муовини Прокурори генералии Ҷумҳурии Исломии Покистон Рашиддин Наваз Касурӣ, Прокурори генералии Суди олии аппелятсионии Ҷумҳурии Туркия Бекир Шаҳин, муовини Прокурори генералии Туркманистон Ниязлиев Алланазар Атаевич, Прокурори генералии Ҷумҳурии Ӯзбекистон Юлдошев Нигматилла Тулкинович ва Котиби генералии Созмони ҳамкории иқтисодӣ Хусрав Нозирӣ иштирок намуданд.
ХАБАРИ МАТБУОТӢ оид ба сафари кории Прокурори генералии Суди Олии аппелятсионии Ҷумҳурии Туркия ба Ҷумҳурии Тоҷикистон
15 майи соли 2024 сафари кории Прокурори генералии Суди Олии аппелатсионии Ҷумҳурии Туркия Бекир Шаҳин ба Ҷумҳурии Тоҷикистон баргузор гардид.
Зимни сафари корӣ мулоқоти расмии Прокурори генералии Ҷумҳурии Тоҷикистон бо Прокурори генералии Суди Олии аппелятсионии Ҷумҳурии Туркия Бекир Шаҳин доир гардида, дар рафти он масъалаҳои пешгирӣ ва мубориза бар зидди ҷиноятҳои дорои хусусияти байналмилалӣ, аз қабили терроризм ва ифротгароӣ, хариду фурӯши одамон, гардиши ғайриқонунии маводи мухаддир ва дигар зуҳуроти ҷиноии фаромиллӣ, ки барои тамоми инсоният хатари зиёд доранд, инчунин интиқол ва истирдоди маҳбусон ва дастгир намудани шаҳрвандони Ҷумҳурии Тоҷикистон, ки дар кофтуков қарор доранд, муҳокима гардиданд.
ХАБАРИ МАТБУОТӢ
8 майи соли 2024 дар бинои Прокуратураи генералии Ҷумҳурии Тоҷикистон мулоқоти Прокурори генералии Ҷумҳурии Тоҷикистон Раҳмон Юсуф Аҳмадзод бо Сафири Штатҳои Муттаҳидаи Америка дар Ҷумҳурии Тоҷикистон Мануэл Микаллер баргузор гардид.
Дар рафти мулоқот масъалаҳои марбут ба мубодилаи маълумот вобаста ба хатару таҳдидҳое, ки ба амнияти ҳарду кишвар хатар эҷод менамоянд, ҳифзи ҳуқуқ ва манфиатҳои шаҳрвандони ҳарду кишвар, пешгирӣ ва мубориза бо зуҳуроти ифротгароии хушунатомез ва терроризм, киберҷиноятҳо, ҷинояткории муташаккили фаромиллӣ ва дигар масъалаҳои мубрам баррасӣ гардиданд.
ХАБАРИ МАТБУОТӢ оид ба сафари кории муовини Прокурори генералии Малайзия ба Ҷумҳурии Тоҷикистон
7 майи соли 2024 сафари кории муовини Прокурори генералии Малайзия хонум Дато Сузана бинти Атан ба Ҷумҳурии Тоҷикистон баргузор гардид.
Зимни сафари корӣ мулоқоти расмии Прокурори генералии Ҷумҳурии Тоҷикистон бо муовини Прокурори генералии Малайзия (солиситори II) хонум, Дато Сузана бинти Атан доир гардида, дар рафти он масъалаҳои пешгирӣ ва мубориза бар зидди ҷиноятҳои дорои хусусияти байналмилалӣ, аз қабили терроризм ва ифротгароӣ, хариду фурӯши одамон, гардиши ғайриқонунии маводи мухаддир, киберҷиноятҳо ва дигар зуҳуроти ҷиноии фаромиллӣ, ки барои тамоми инсоният хатари зиёд доранд, муҳокима гардиданд.
ИДИ БАЙНАЛМИЛАЛИИ НАВРӮЗ ВА ХУДШИНОСИИ МИЛЛӢ
Базми гул дар чамани Наврӯз аст,
Тоҷикистон Ватани Наврӯз аст.
Имрўзҳо кулли мардуми заҳматқарини кишвари маҳбуб ва офтобрўяи Тоҷикистони азиз бо шукргузорӣ аз сулҳу субот ва тинҷию оромии Ватан ва арҷгузорӣ ба мероси ниёгонамон дар мутобиқат ба тақвими қадимаи халқи тоҷик ва ҷомеаи ҷаҳонӣ Соли нави аҷдодии мардуми ориёӣ - Наврўзро бо шукўҳу шаҳомати ҳамешагӣ пешвоз мегиранд.
Наврӯз таърихи хеле қадимӣ дошта, аксарияти сарчашмаҳои бостонӣ пайдоиши онро бо салтанати шоҳи чаҳоруми пешдодӣ Ҷамшед нисбат медиҳанд. Абулқосим Фирдавсӣ дар ин бора чунин гуфтааст:
Ҷаҳон анҷуман шуд бар тахти ӯй,
Фурӯмонда аз фарраибахти ӯй.
Ба Ҷамшед-бар гавҳар афшонданд,
Мар он рӯзро рӯзи нав хонданд.
8 ноябри соли 2023 дар доираи сафари кории худ ба Ҷумҳурии Мардумии Чин Прокурори генералии Ҷумҳурии Тоҷикистон, генерал-полковники адлия Раҳмон Юсуф Аҳмадзод дар ҷаласаи 21-уми Прокуророни генералии давлатҳои узви Созмони ҳамкориҳои Шанхай (СҲШ) иштирок намуда, дар мавзӯи: «Нақши мақомоти прокуратура дар таъмини навсозии давлат» суханронӣ кард.
Дар ин чорабинӣ ҳамчунин Прокуророни генералии давлатҳои узви СҲШ – Ҳиндустон, Ҷумҳурии Исломии Эрон, Ҷумҳурии Қазоқистон, Ҷумҳурии Мардумии Чин, Ҷумҳурии Қирғизистон, Ҷумҳурии Исломии Покистон, Федератсияи Россия, Ҷумҳурии Ӯзбекистон, инчунин ҳайатҳо таҳти роҳбарии Прокурори генералии Ҷумҳурии Беларус, Прокурори генералии Муғулистон, Котиботи СҲШ ва Сохтори зиддитеррористии СҲШ иштирок ва баромад намуданд.
Дар рафти ҷаласа оид ба нақши прокуратура дар таъмини навсозии давлат, фароҳам овардани фазои мусоиди соҳибкорӣ барои рушди устувори иҷтимоию иқтисодии минтақаи СҲШ ва баланд бардоштани некӯаҳволӣ ва сатҳи зиндагии шаҳрвандон табодули афкор сурат гирифт.
Ҷонибҳо ба мувофиқа расиданд, ки ҳамкориҳои мақомоти прокуратураи давлатҳои узви СҲШ дар мубориза бар зидди ҷиноятҳо ва дигар ҳуқуқвайронкуниҳо дар соҳаи молия бо мақсади ҳифзи субот, тартиботи иҷтимоию иқтисодӣ, рушди иқтисодиёти миллӣ дар ҷараёни навсозии давлатҳо тақвият бахшида, дар кори ташкилотхои байналмилалӣ, ки фаъолияти онхо ба рушди иқтисодиёт ва баланд бардоштани сатҳи некӯаҳволии шахрвандон нигаронида шудааст, фаъолона иштирок намуда, ба боз ҳам густариш додани ҳамкории мақомоти прокуратураи давлатҳои узви СҲШ дар соҳаи ҳифзи муҳити зист бо назардошти эълон гардидани соли 2024 ҳамчун Соли экологияи СҲШ мусоидат намоянд.
Ҷонибҳо инчунин тасмим гирифтанд, ки баҳри таъмини ҳифзи ҳуқуқ ва манфиатҳои қонунии шаҳрвандон ва ширкатҳои хориҷӣ дар қаламрави давлатҳои худ чораҳои муассир андешанд; ҳамкории мақомоти прокуратураи давлатҳои аъзои СҲШ-ро дар мубориза бар зидди ҷиноятҳои фаромарзӣ вусъат диҳанд, ҷиҳати фароҳам овардани шароити мусоид барои пешбурди соҳибкорӣ, бо ин мақсад истифодаи тамоми шаклҳои ҳамкорӣ, аз ҷумла ҳамкории мақомоти прокуратураи ноҳияҳои наздисарҳадӣ назоратро таъмин намоянд.
Аз натиҷаи ҷаласа Протоколи ниҳоӣ қабул карда шуд.
Фотогузоришҳо
Мулоқот бо роҳбарият ва фаъолони кормандони ҳифзи ҳуқуқ ва роҳбарони ташкилоту муассисаҳои шаҳрҳои Конибодому Исфара
Харитаи сомона
Прокурори генералӣ
