ХАБАРИ МАТБУОТӢ оиди сафари кории Прокурори генералии Ҷумҳурии Тоҷикистон ба Давлати Қатар (17 - 18 феврали соли 2024)
17 феврали соли 2024 сафари кории Прокурори генералии Ҷумҳурии Тоҷикистон Раҳмон Юсуф Аҳмадзод ба Давлати Қатар баргузор гардид.
ХАБАРИ МАТБУОТӢ
16 феврали соли 2024 дар Прокуратураи генералӣ бо иштироки Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ- намояндаи комилҳуқуқи Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олӣ, муҳтарам Ализода Зариф барои воситаҳои ахбори омма нишасти матбуотӣ баргузор гардид. Прокурори генералии Ҷумҳурии Тоҷикистон, генерал-полковники адлия Раҳмон Юсуф Аҳмадзод оид ба натиҷаи фаъолияти мақомоти прокуратура дар соли 2023 баромад намуд.
ХАБАРИ МАТБУОТӢ
Санаи 02 феврали соли 2024 сафари кории Прокурори генералии Шоҳигарии Арабистони Саудӣ, ҷаноби Сауд Абдуллоҳ Алмуаҷиб ба Ҷумҳурии Тоҷикистон баргузор гардид.
Зимни сафари корӣ мулоқоти расмии Прокурори генералии Ҷумҳурии Тоҷикистон, Раҳмон Юсуф Аҳмадзод бо Прокурори генералии Шоҳигарии Арабистони Саудӣ, ҷаноби Сауд Абдуллоҳ Алмуаҷиб доир гардида, дар рафти он масъалаҳои муқовимат ба терроризми байналмилалӣ ва ифротгароӣ, хариду фурӯши одамон, муомилоти ғайриқонунии маводи нашъадор ва дигар зуҳуроти ҷинояткории трансмиллӣ муҳокима гардиданд.
Сафари корӣ ба Ҷумҳурии Тоҷикистон идома дорад.
Хабарҳо
ПРОКУРАТУРАИ ГЕНЕРАЛИИ ҶУМҲУРИИ ТОҶИКИСТОН ОГОҲ МЕНАМОЯД !
Шаҳрвандони муҳтарам!
Бо камоли эҳтиром ба маълумоти Шумо расонида мешавад, ки рӯзҳои охир дар шабакаҳои иҷтимоӣ, бахусус дар “Телеграм” паёмаки “Вам отправили подарок-подписка Телеграм Премиум сроком на 1 год! Активировать подарок через ссылку” бо истифода аз номи наздикон ба шаҳрвандон ирсол шуда истодааст.
Дар натиҷаи таҳлил ва коркарди техникӣ муайян гардид, ки паёмаки мазкур ва пайванди (ссылка) ирсолшуда дорои вируси зараровар буда, ҳамлаи хакерӣ дар намуди “Фишинг” мебошад.
Дар ҳолати кушодани паёмак ва ворид шудан ба пайванди ирсолшуда, хакерҳо метавонанд аккаунти “Телеграм”-и истифодабарандагонро ғайриқонунӣ аз худ намуда, ба мақсадҳои ғаразнок истифода баранд.
Дар Прокуратураи генералии Ҷумҳурии Тоҷикистон бахшида ба солгарди Иҷлосияи XVI-уми Шӯрои Олии Ҷумҳурии Тоҷикистон ва Рўзи Президенти Ҷумҳурии Тоҷикистон чорабинии тантанавӣ баргузор гардид.
15 ноябри соли 2024 дар Прокуратураи генералии Ҷумҳурии Тоҷикистон чорабинии тантанавии кормандони мақомот бахшида ба солгарди Иҷлосияи XVI-уми Шӯрои Олии Ҷумҳурии Тоҷикистон ва Рўзи Презеденти Ҷумҳурии Тоҷикистон баргузор гардид.
Дар он Прокурори генералии Ҷумҳурии Тоҷикистон, генерал-полковники адлия Раҳмон Юсуф Аҳмадзод суханронӣ намуда, қайд кард, ки Иҷлосияи 16-уми Шӯрои Олии Ҷумҳурии Тоҷикистон, ки 16-уми ноябри соли 1992 дар шаҳри Хуҷанд баргузор гардид, яке аз муҳимтарин рӯйдод дар таърихи сиёсии кишвар маҳсуб меёбад.
Дар ин иҷлосияи таърихӣ Ҷаноби Олӣ, муҳтарам Эмомалӣ Раҳмон, Раиси Шӯрои Олии Ҷумҳурии Тоҷикистон ва роҳбари давлат интихоб шуда, ба рисолати таърихии худ оғоз намуданд.
ХАБАРИ МАТБУОТӢ
4 ноябри соли 2024 Прокурори генералии Ҷумҳурии Тоҷикистон Раҳмон Юсуф Аҳмадзод дар доираи сафари расмии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Давлати Кувейт дар Конфронси байналмилалии сатҳи баланд таҳти унвони “Таҳкими ҳамкориҳои байналмилалӣ дар мубориза бо терроризм ва эҷоди механизмҳои самараноки амнияти сарҳадӣ - марҳилаи Кувайтии раванди Душанбе” иштирок намуданд.
Конфронси сатҳи баланд бо сухани ифтитоҳии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Валиаҳди Давлати Кувайт Шайх Сабоҳ Ал-Холид Ал-Ҳамад Ал-Муборак Ас-Сабоҳ ифтитоҳ гардида, дар доираи ҷаласаи сатҳи вазирон маърӯзаи Прокурори генералии Ҷумҳурии Тоҷикистон Ю.А. Раҳмон дар мавзӯи “Ҳамкориҳои байналмилалии Ҷумҳурии Тоҷикистон дар мубориза бо терроризм” шунида шуд.
Мулоқоти Прокурори генералии Ҷумҳурии Тоҷикистон бо Сафири фавқулодда ва мухтори Федератсияи Россия дар Ҷумҳурии Тоҷикистон
1 ноябри соли 2024 дар бинои Прокуратураи генералии Ҷумҳурии Тоҷикистон мулоқоти Прокурори генералии Ҷумҳурии Тоҷикистон, муҳтарам Ю.А. Раҳмон бо Сафири фавқулодда ва мухтори Федератсияи Россия дарҶумҳурии Тоҷикистон Григорьев Семён Вячеславович баргузор гардид.
Зимни мулоқот масъалаҳои пешгирӣ ва мубориза бар зидди ҷиноятҳои дорои хусусияти байналмилалӣ, аз қабили терроризм ва ифротгароӣ, гардиши ғайриқонунии маводи мухаддир ва дигар зуҳуроти ҷиноии фаромиллӣ муҳокима гардиданд.
Инчунин, дар рафти мулоқот оид ба вазъи ҳуқуқии муҳоҷирони меҳнатӣ дар Федератсияи Россия ва ҳифзи ҳуқуқи онҳо изҳори назар карда шуд.
ХАБАРИ МАТБУОТӢ
4 октябри соли 2024 дар доираи сафари кории худ ба Ҷумҳурии Арманистон Прокурори генералии Ҷумҳурии Тоҷикистон Раҳмон Юсуф Аҳмадзод дар ҷаласаи 34-уми Прокуророни генералии кишварҳои узви Иттиҳоди Давлатҳои Мустақил иштирок намуда, дар мавзӯи: «Нақш ва таҷрибаи прокуратураи Ҷумҳурии Тоҷикистон дар пешгирии ифротгароӣ, терроризм ва киберҷиноятҳо» баромад намуд.
Дар чорабинии мазкур, инчунин роҳбарияти прокуратураҳои генералии кишварҳои узви ИДМ – Ҷумҳурии Арманистон, Федератсияи Россия, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Ҷумҳурии Ӯзбекистон, аз ҷумла Котиби иҷроияи Шӯрои ҳамоҳангсозии Прокуророни генералии кишварҳои узви ИДМ иштирок ва баромад намуданд.
Прокуратураи генералии Ҷумҳурии Тоҷикистон дар расонаҳои хабарӣ нашр гардидани хабару мақолаҳои иғвоангезро, ки аз тарафи мухолифони сиёсии дар кишварҳои аврупо қарордошта, ки мақсади халалдор намудани сохти конститусионии Ҷумҳурии Тоҷикистон ва суботу амнияти миллиро доранд, таҳлил намуда, марбут ба қазияи аъзоён ва роҳбарони гурӯҳҳои ҷиноятии ВМКБ Улфатхоним Мамадшоева, Фаромӯз Иргашов ва дигарон, ки дар нашрияҳояшон онҳоро “мусичаи бегуноҳ” мепиндоранд, вокуниш менамояд.
Бояд тазаккур дод, ки аз тарафи мақомоти тафтишотӣ нисбати Маҳмадшоева Улфатхоним, Муборакшоён М.Т, Холиқназаров М.С. ва дигарон барои содир намудани ҷиноятҳои ба муқобили шахсият ва амнияти ҷамъиятӣ, бо мақсади халалдор сохтани амнияти мардум ва фаъолияти мақомоти ҳокимияти давлатӣ, сохторҳои низомӣ, даъвати оммавии ташкили бетартибиҳо ва ташкили иттиҳоди ҷиноятӣ, барангехтани кинаву адовати миллӣ, мазҳабӣ, динӣ, низои иҷтимоӣ ва маҳалгароӣ, ҷиноятҳо ба муқобили асосҳои сохти конститутсионӣ ва амнияти давлат, чанд лаҳзаҳои даъвати оммавӣ барои бо роҳи зӯроварӣ тағйир додани сохти конститутсионии Ҷумҳурии Тоҷикистон ва мусоидат намудан дар содиркунии чунин кирдорҳо парвандаҳои ҷиноятӣ оғоз ва мавриди тафтиш қарор гирифта, ба суд ирсол гардидаанд.
Моҳи декабри соли 2022 аз тарафи Суди Олии Ҷумҳурии Тоҷикистон парвандаҳои ҷиноятӣ нисбати аъзоёни иттиҳоди ҷиноятии ВМКБ Мамадшоева Улфатхоним барои ҷалб ва ташкили иттиҳоди ҷиноятӣ, одамкушӣ ва сӯйиқасд ба он, терроризм, маблағгузорӣ барои гайриқонунӣ соҳиб шудан ва ба дигарон додани лавозимоти ҷангӣ ва яроқи оташфишон, хиёнат ба давлат, бо зӯроварӣ ғасб намудани ҳокимият ё даъвати оммавӣ барои бо роҳи зӯроварӣ тағйир додани сохти конститутсионии Ҷумҳурии Тоҷикистон, бо истифодаи зӯроварӣ дигаргун кардани сохти конститутсионӣ, ноором намудани вазъи сиёсиву иҷтимоӣ, даъвати оммавӣ барои амалӣ намудани фаъолияти экстремистӣ (ифротгароӣ) ва ташкили фаъолияти ташкилоти экстремистӣ, Муборакшоён Музаффар Толиб барои ташкили иттиҳоди ҷиноятӣ, сӯйиқасд ба одамкушӣ, терроризм ва ташкили фаъолияти ташкилоти экстремистӣ, Иргашов Фаромӯз Иргашович барои ташкили иттиҳоди ҷиноятӣ, сӯйиқасд ба одамкушӣ, терроризм ва ташкили фаъолияти ифротгароӣ, Ҷумаев Хушрӯз Ғуломалиевич барои ташкили иттиҳоди ҷиноятӣ, Мамадшоев Хурсанд Махсумович ва Холиқназаров Манучеҳр Соҳибназарович барои ташкили иттиҳоди ҷиноятӣ ва ташкили фаъолияти ташкилоти экстремистӣ бо иштироки ҳимоячӣ дар маҷлисҳои пӯшидаи судӣ баррасӣ карда шудаанд.
Бо ҳукмҳои коллегияи судӣ оид ба парвандаҳои ҷиноятии Суди Олӣ Мамадшоева У.М., Мамадшоев Х.М, Холиқназаров М.С, Муборакшоён М.Т, Иргашов Ф.И. ва Ҷумаев Х.Ғ. бо айбҳои эълонгардида аз рӯи ҷиноятҳои содирнамудаашон гунаҳгор дониста шуда, ба Иргашов Ф.И. ва Муборакшоён М.Т. аз рӯи маҷмӯи ҷиноятҳо ҷазои 29 солӣ маҳрум сохтан аз озодӣ, ба Мамадшоева У.М. аз рӯи маҷмӯи ҷиноятҳо ҷазои 20 сол маҳрум сохтан аз озодӣ, ба Холиқназаров М.С. ва Мамадшоев Х.М. аз рӯи маҷмӯи ҷиноятҳо ҷазои 16 солӣ маҳрум сохтан аз озодӣ ва ба Ҷумъаев Х.Ғ. ҷазои 8 сол маҳрум сохтан аз озодӣ таъин гардидааст.
Маркази матбуоти Прокуратураи
генералии Ҷумҳурии Тоҷикистон
Фотогузоришҳо
