Хабарҳо

14.03.2024

Таҷлили иди касбӣ дар Прокуратураи генералии Ҷумҳурии Тоҷикистон

14 марти соли 2024 дар Прокуратураи генералии Ҷумҳурии Тоҷикистон бо иштироки кормандон ва собиқадорони мақомоти прокуратура бахшида ба ҷашни 32-солагии таъсисёбии мақомоти прокуратураи Тоҷикистони соҳибстиқлол маҷлиси тантанавӣ баргузор гардид.

Прокурори генералии Ҷумҳурии Тоҷикистон, генерал-полковники адлия Раҳмон Юсуф Аҳмадзод кормандон ва собиқадорони мақомотро бо ин ҷашн табрик намуда, доир ба таърихи таъсисёбии мақомоти прокуратура, хизматҳои бесобиқаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бунёд ва таҳкими мақомот дар даврони истиқлол, нақши мақомот дар барқароркунии сохти конститутсионӣ ва сулҳу субот дар ҷомеа, таъмини қонуният, тартиботи ҳуқуқӣ, мубориза бо ҷинояткорӣ, ҳифзи ҳуқуқу озодиҳои инсон ва шаҳрванд, манфиатҳои давлат ва ҷомеа баромад намуд.

  Ятимов Мадад Искандарович, Қаҳҳоров Иброҳим Гадоевич ва Абдурахмонов Сайидмурод Саидраҳмонович бо маслиҳати пешакӣ ва дар ҳайати гурӯҳи муташаккил 20 сентябри соли 1998, тахминан соати 02-00 дақиқа ба дохили ҳавлии сокини ноҳияи Рашт, Ҷамоати деҳоти Қалъанак, дехаи Ялдамич Махмадов Акбар даромада, бо истифодаи силоҳи оташфишони тамғаи “Калашников” бо бераҳмии махсус, бо тарзи ба ҳаёти мардуми зиёд хавфнок ба узвҳои ҳаётан мухими бадани номбурда тахминан 4-5 маротиба тир парронда, охиронро ба қатл расонидаанд.

  Нисбати Ятимов М.И. бо моддаҳои 186 кисмхои 1 ва 2, 250 кисми 4 бандҳои “б, в” ва 104 қисми 2 бандҳои “б, е, ж, з, и, л” Қаҳҳоров И.Г. ва Абдураҳмонов С.С. бо моддаҳои 186 қисми 2 ва 104 қисми 2 бандҳои “б, е, ж, з, и, л” кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда баъди ба итмом расидани тафтиши пешаки бо тасдиқи фикри айбдоркунӣ ба Суди олии Ҷумҳурии Тоҷикистон ирсол карда шуд.

Бо ҳукми коллегияи судӣ оид ба парвандаҳои ҷиноятии Суди Олии Ҷумҳурии Тоҷикистон аз 28 ноябри соли 2018 Ятимов М.И., Қаҳҳоров И.Г. ва Абдураҳмонов С.С. бо моддаҳои зикршуда гунахгор дониста шуда, ба Ятимов М.И. ба мӯҳлати 22 сол аз озоди махруми, ба Қаҳҳоров И.Г. ва Абдурахмонов С.С. ба мӯҳлати 20 соли аз озоди махруми бо нигоҳ доштан дар колонияи ислоҳии дорой низоми сахт ҷазо таъйин карда шуд.


Маркази матбуоти

Прокуратураи генералӣ             

 

 

 

Фотогузоришҳо

   

 

 

 

 

 

 

 

 

 

Мулоқот бо роҳбарият ва фаъолони кормандони ҳифзи ҳуқуқ ва роҳбарони ташкилоту муассисаҳои шаҳрҳои Конибодому Исфара

Харитаи сомона