Сокини ноҳияи Спитамен Турдиева Шоира Ғафуровна 18 марта соли 2018 шаҳрванд Раҳмонова Фарангис Ҳакимҷоновнаро ба писараш Тоҷибоев Абдумӯмин Абдусамиевич хонадор намуда, дар давоми зиндагй нисбати келинаш муносибати бераҳмона карда мунтазами шаъну шарафашро паст задааст. Раҳмонова Ф.Ҳ. аз кирдорҳои хушдоманаш Турдиева Ш.Ғ. ғамгин шуда, роҳи халос шудан аз ин муҳитро дар худкушӣ дониста, рӯзи 21 апрели соли 2019 тахминан соати 11:00 дақиқа аз хонаашон баромада, ба маҳаллаи Ҷомии деҳоти Сарбанд рафта, ба болои купрӯк баромада, худашро ба дарёи "Сир" партофта, сӯиқасди худкушй кардааст, ки ин ҳолатро шаҳрванд Юнусов Хуршед дида, ӯро аз дохили даре ба соҳил баровардааст.

 14 феврали соли 2019 ҳангоми гузаронидани санҷиш аз тарафи Муҳаммадаброри Идрис сардори шуъбаи назорати фармокологии маводи дорувории Сарраёсати назорати давлатии фаъолияти фармасевтии Хадамоти назорати давлатии тандурустӣ ва ҳифзи иҷтимоии аҳолии Ҷумҳурии Тоҷикистон аз анбори нигохдории маҳсулотҳои дандонпизишкии ҶДММ “Стамадент” ҳолати бидуни сертификат мутобиқат нигохдории маҳсулотҳои мазкурро муайян карда шуда, онҳоро ба анбори корхонаашон дастрас намудааст.

 18 июли соли 2019 аз ҷониби Донишкада бо дастгирии молиявии барномаи Рушди СММ дар толори меҳмонхонаи “Хилтон” мизи мудаввар оид ба натиҷаҳои тадқиқоти сотсиологӣдар доираи Мониторинги сиёсати ҳуқуқии ҷиноятии Ҷумҳурии Тоҷикистон баргузор гардид. Тибки Барномаи мизи мудаввар мавзӯъҳо оид ба максад ва вазифаҳои тадқиқоти сотсиологй, методология, воситаҳо ва натиҷаҳои асосии он, тавсияҳо дойр ба такмили қонунгузории ҷиноятии Ҷумҳурии Тоҷикистон ва бехдошти фаъолияти мақомоти ҳифзи ҳуқуқ оид ба пешгирӣ ва мубориза бо ҷинояткорӣ мавриди баррасӣ ва муҳокимарониҳо карор гирифтанд.

 Ахмедов Ғайратҷон Бобоевич бидуни мавҷудияти ҳуҷҷатҳои ҳуқуқмуайянкунанда дар заминҳои хоҷагии деҳқонии «Ҳоҷи Ғайрат» мансуб ба заминҳои корами лалмӣмайдони 68,0 метри мураббаъро ғайримақсаднок истифода бурда, бо истифода аз масолеҳҳои сохтмони таҳкурси бунёд намуда, дар майдони 24 метри мураббаъи он дукони оҳанин гузошта, саҳни онро дар масоҳати 32,0 метри мураббаъ бо истифода аз пояҳои оҳанин ва тунука болопӯш бунёд карда, дар масоҳати 12 метри мураббаъи дигар сохтмони иншооти ёрирасонро худсарона ба анҷом расонидааст.

 Файзуллоев Саидолимхон Ибрагимович сокини шаҳри Хуҷанд, мохи ноябри соли 2018 амбори муассисаи нақлиётии ҷамъияти саҳомии кушодаи "Сорбон", воқеъ дар маҳаллаи 16-уми шаҳри Хуҷандро бо мақсади ба амал баровардани фаъолияти соҳибкории истеҳсолӣ ва бо ин васила ба даст овардани даромади ба иҷора гирифта, тибқи нақшаи ҷиноятии пешакӣ дар анбори мазкур таҷҳизоти махсуси истеҳсоли зарфҳои пластикии ғунҷоишаш аз 0,7 то 4,0 литрро васл намуд.

 Ноёфтов Ақназар Пайшанбиевич, санаи таваллудаш 12.07 соли 1989, ғайриқонунӣ худро намояндаи ширкати «LNS» дар Ҷумҳурии Тоҷикистон муарифӣ карда, ба шаҳрвандони ҷумҳурӣ роҳхатҳои туристӣ, таҷҳизотхои маишии барқӣ ва ғайра пешниҳод мекардааст.

 Юнусов Қиёмуддин Кенҷаевич аввалҳои мохи мартӣ соли 2018 бо шаҳрванд Амиров Хисрав Бурихонович шиносои пайдо намуда, аз рӯи нақшаи қаблан бо ҳаммаслакаш Сайфулаева Дилором Қодировна таҳрезӣ намудаашон ба боварии Амиров Х.Б. даромада, ӯро бовар кунонидааст, ки бар ивази 3000 (се ҳазор) доллари ИМА метавонад аз маҳаллаи Ховарони шаҳри Душанбе барояш ба масоҳати 0,03 га. қитъаи замини назди ҳавлигӣ бо ҳуҷҷатҳои расмӣ ҷудо намояд.

 8 марти соли 2019 Директори муассисаи давлатии таҳсилоти миёнаи умумии №49-и ноҳияи Шаҳринав, Розиқов Аминҷон Содиқович, бархилофи талаботи қисми 3 моддаи 14 Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” амал намуда, давомнокии тӯйи домодии фарзандашро зиёда аз се соат, дар маҳалли истиқоматаш аз соати 09- 00 то 12-00 ва аз соати 18-00 то 21-00 ҳамон рӯз бо иштироки санъаткорон гузаронидааст.

 01.06.2017 дар  Суди Олии Ҷумҳурии  Тоҷикистон парвандаи ҷиноятӣ нисбати Миров  М.  бо  моддаи 104  қисми  2 бандҳои  “з.и”, Дилоев А.Ғ.бо моддаҳои 249 қисми 4 банди  “б”, 104 қисми 2 бандҳои “з,и.л”, Ғоибназаров М.Ҳ. бо моддаҳои 249 қисми 4 бандҳои “а,б”, 104 қисми 2 бандҳои “з,и,л,п” ва Ризоев  А.С.бо моддаҳои 249 қисми 4 банди  “б” ва  104 қисми  2 бандҳои “з,и,л” Кодекси ҷиноятӣ баррасӣ  гардид.

  5 сентябри соли 2017 бо иштироки кормандони Прокуратураи генералии Ҷумҳурии Тоҷикистон дар Ҷамъияти дорои масъулияти маҳдуди “Иттиҳодияи истеҳсолии Нассоҷии Тоҷик” дар мавзӯи “Дастовардҳои Истиқлолияти давлатии Ҷумҳурии Тоҷикистон”, ворид намудани тағйиру иловаҳо ба Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва дигар санадҳои меъёрии ҳуқуқии дахлдор вохурӣ баргузор гардид.